Bjoa Bygdeutviklingslag stifta

Av: Jarle Sandsgård 06.04.2000

Bjoa Bygdeutviklingslag, BBU, vart stifta på eit møte 4. april 2000.

Formålet for laget er å driva framtidsretta bygdeutvikling på Bjoa med vekt på lønsam næringsutvikling og gode bu- og oppvekstvilkår, for å bidra til at Bjoa skal vera eit levande og attraktivt bygdesamfunn. Alle bjoabuar over 15 år er automatisk medlemmer med stemmerett på årsmøtet, og det er ikkje medlemskontigent i laget.
Eit interimstyre skal leia arbeidet fram mot ei første ordinære generalforsamling. Då skal det vedtakast vedtekter, veljast styre mm. Laget er ein ideell forening, og skal i utgangspunktet ikkje driva næringsverksemnd sjølv.
Neste veke gjev laget ut første nummer av Bjoabuen, ei avis som skal vere laget sitt informasjonsorgan.
Harald Hetland er leiar i interimstyret, som i tillegg består av Knut Omdal, Gunnar Dalen, Kåre Frøland og Svein Yrke.

Banksamband er SrBank ØLEN : 3535 20 15545

For Bjoanett: Gunnar Dalen / Jarle Sandsgård