Foto:
Kystlaget Romsa er i full gang med planlegging av årets Hordakyststemne som er lagt til Innbjoakaien og Romsa 25.-27 juni.
Her set kyst- og båtfolket kvarandre i stemne over ei helg med aktivitetar både for deltakarar og skodelystne.
Dei første båtane er venta til Innbjoakaien torsdag kveld.
Dampskipet Oster kjem til stemnet og det vert arbeida med å få med fleire veteranskip. Det blir aktiviteter på Innbjoakaien fredagen og om kvelden blir det rekefest med musikk i Marknadshallen. Kystlaget samarbeider med Kåre Nymark om aktivitetane som er lagt til Innbjoakaien.
Ut på laurdagen flyttar stemnet seg til Romsa der det mellom anna blir arrangement for stemnedeltakarane om kvelden.
Søndagen blir det friluftsgudsteneste.
Frå leiar i Kystlaget, Jan Husebø, har me fått opplyst at følgjande programposter er klare:
Torsdag kveld:
Dei første båtane kjem til Innbjoakaien. Tilvisning av plass.
Fredag:
Sjømannsfrokost på Drøsestova.
Mottak av båtar vert organisert.
Drøsestova held open og serverar tradisjonsmat utover heile dagen.
Kl. 15.00 Utstillingar opnar på Innbjoa
Kl. 18.00 Fjordtur med DS ”Oster”
Kl. 21.00 Underhaldning og Dans i Marknadshallen på Innbjoa.
Laurdag:
Sjømannsfrokost på Drøsestova.
Kl. 10.00 Utstillingar og stands opnar.
Skipparmøte i Stovene, 2. etasje på Buo
Kl. 12.00 Musikk på Kaien
Kl. 13.00 Tautrekkingskonkurranse
Kl. 14.00 Klargjering for Kappseglas
Kl. 15.00 Start på Seglasen.
DS ”Oster” tek med passasjerar som vil sjå seglasen frå sjøen.
Kl. 17.00 Innkvartering på Romsa
Kl. 20.00 Kystlagskveld på Haukelandstunet med mat, underhaldning, premieutdeling og svingom.
Søndag
Kl. 11.00 Friluftsgudsteneste på Romsa
Kl. 12.30 Stemnet slutt. Heimreis
I tillegg til dette er det fleire aktivitetar ”på gang”. Alle arrangementa på Innbjoakaien er opne både for stemnedeltakarar og bygdafolk.
Både bygdafolk og tilreisande kan sjå fram til ei livleg helg i kystkulturen sitt teikn.
Foto: Jan Husebø. Fra Romsa.
