Ølen kommune i eit nøttaskal

Av: Arnfinn Vølstad 15.06.2000

Ølen kommunestyre og eit Bjoafirma avtalte ein årleg kapproing i ein åtter. Begge mannskapa trente lenge, og då dagen endeleg kom, var begge lag i toppform.

Bjoafirmaet vant med ein kilometer, og etter nederlaget var moralen heilt på bånn hjå kommunestyrelaget. Ledelsen bestemte derfor at kommunestyret skulle vinne neste år.

Det blei derfor sett ned ei prosjektgruppe for å undersøke kor problemet låg. Prosjektgruppa fant etter nøye undersøkelse ut at Bjoafirmaet hadde sju mann til å ro, og ein mann til å styre. Kommunestyret derimot, hadde sju til å styre, og ein til å ro.

I denne krisesituasjonen viste ledelsen betydelig handlekraft. Ein engasjerte med ein gong eit rådgjevingsfirma til å undersøke kommunelagets struktur, og etter fleire månadars arbeid, kom ekspertane fram til konklusjonen, at det var for få til å ro.

På bakgrunn av ekspertane sin rapport, blei det straks foretatt endringar i laget sin struktur. Ein hadde no fire styrmenn, to overstyrmenn, ein styreleder, og ein roer. Dessuten bestemte ledelsen å gje roaren større arbeidsområde og utvida ansvar.

Året etterpå vant Bjoafirmaet med to kilometer.

Kommunestyret sparka han som rodde på bakgrunn av dårleg prestasjon, og beslutta å utvikle ein ny båt. Rådgjevingsfirmaet blei rost for eit godt stykke arbeid, og ledelsen blei belønna for eit meget godt prosjekt, og skikkelig bra initiativ.